|
|
| لسماع القصيدة |
ودي ادرس
ودي ادرس ولاكن وين انا والدروس
من تذكرك ينسى درسه الي درس
ادخل الصف ماكني ضمن الجلوس
واكثر الي بصفي شكوا اني خرس
حست انا دفتري من ضيقة الخلق حوس
من كثر ما رسمت قلوب حب انترس
واذكر اني بمرة غارق بالهجوس
واسمع الي بجنبي قال قوم احترس
المدرس سألني جاي صورة عروس
قال هذي وشنهي قلت هذي فرس
ما احسب اني بوسط المدرسة والدروس
احسب اني بجنبك لين دق الجرس
خالد المريخي