مرتبة الشرف

تضيق بي الدنيا بكبرها من معابيس الوجيه

وهذاك لامنه تبسم شفت للدنيا طرف

مني واليي احببته وهو حبني منه وليه

من غير ما انا اعترف ومن غير لا هو يعترف

ليه اتحاكا وكل ابوي يعرف غاية كل بيه

اليا فرح افرح ودمعه لاذرف دمعي ذرف

اغليه يعني اعشقه اعشقه يعني اموت فيه

يعني انا ميت معا عشقه ومرتبة الشرف

ميت ويعشق والسبب مافي داعي اني احكيه

الغيد في الدنيا هواه وهو لحاله محترف

الشامخ الي لا اقبل وحضن ايديني في ايديه

تراعدت فرايصه بالغنج واتساقط ترف

امشي معه من غير لا اين ولا كيف وليه

من حيث ما يجرفني اغمض عيوني وانجرف

اقول ايه,وان قال ايه,,اقول لاء,ان قال لاء

معرف مسمع ما ارى ماارى مسمع معرف

الي اعرفه اني ابيه ايتجملبي وابيه

وكان العدل في صدته سجلني اكبر منحرف

يغفر لي الله والله يديمه  ويرحم والديه

علمني ان البعد نكسة حال والصدة قرف

سعد بن علوش