|
|
كرت الزيارة
قال ابا اشوفك سكت شوي قلت وش زينه
موعد معك انت لايمكن انكاره
بس لاحظ ان قلبي لو جفوا غالينه
ماجعلهم عرضة النقادة الثرثارة
قال انا ادري والله يوقف معه ويعينه
قلبك الي حط اعدائه على انصاره
قال باكر قلت باكر غد ياتانينه
كلها ساعات ويبوح النهار اسراره
المهم اصبحت صبح ما اعرف تكوينه
صبح من ندرة عصافيره تصيده احراره
واتقهوا قهوة الي مضحكته سنينه
واخذ اغراضي معي واشغل السيارة
واسرح وفي بالي انه في حدا دربينه
ياقبل بيته ببيتين او على دواره
وليه ذا واقف معنز جسمه بيدينه
وقفة الي ربعه اتحبه ولاتختاره
قلت ليم انت اتشائم والبنادم طينة
ينتصر لا حط ذكر الله على اصراره
قال انا ماني بمتشائم لكن ياشينه
لا ابتدى عمرك بصدماته وموت ازهاره
كنت احسب ان الحياة ال سارة او لينه
لين ماتت لينه وفي يوم ماتت ساره
ظل يبكي وانتهز صدري وجا من بينه
لين حسين ان كثر الدمع فك ازراره
اعملت في عيني انفاسه ودمعة عينه
مثل مايعمل بخار الشاي في النظارة
قمت اضمه واحضن راسه ولا ادري وينه
لاني اعشقه بمفاجئته وفي تكراره
كان يوم يعلم الواحد يوفي دينه
الفرح به قاطع للحزن كرت زيارة
يالله انك تقطع الوقت الردي واتهينه
كانه ايبكي كباره من غياب صغاره
سعد بن علوش