|
|
اشاعة
كل ماقالوا عن احساسي اشاعة
ما اسرني غير همي ياعرب
الهوى ياهل الحكي ماهو بضاعة
الهوى منسوب ماهو بينتسب
خلوا الشاعر يوقف في شراعه
في بحور الشوق وبحور الطرب
لاتحسبون التعب عندي صناعة
ويفهم المعنى جميع الي تعب
ذقت طعم الحب من سن اليفاعة
لين فاض الشوق والشعر انكتب
ماشكيت الحال انا اطلب شفاعة
ولا لعبت القاف حبا باللعب
واعنا قلب تزيدون التياعه
كلما ونيت قلتوا لي يحب
وينه النجم الذي يغري شعاعه
وين شمس ماتواريها السحب
واعذابي زاد في راسي صداعة
يابنات اليوم انا نهري نضب
اتركوا كثر الحكي وكثر المياعة
وارحمونا من التجني والكذب
افهموني لو سمحتم ياجماعة
موقفي مابينكم والله صعب
ان تعنينا تزيدون الاشاعة
وان تناسينا تقولون انسحب
نواف بن فيصل