|
|
ياويل من قام
ياويل من قام من نومه ولا سما
لامر من يمه الي مر من يمي
اقرا عليه الفلق واكمل جزء عمى
واذا ختمت القراية ارجع اسمي
اخيرا افلحت ياحظٍ مايتسمى
باللثمة الي تنسيني حليب امي
مع ان مالله عطاني حبها الجمى
لاجات هذي المواقف قلت ياعمي
بس ذي لاهي بلا نورة ولاشمة
ولاهي بديمة ولادانة ولا ممي
فتنة على الارض تمشي جعلها الحمى
كنها اتعشى الحمي واتحلي بدمي
هي كانت مشككة واتأكدت لما
شافت اسم عايلتي بلوحات بي امي
الموتر الي اخبره ذيب لا حمى
بس بعض الاحيان مايمديني احمي
اسرع واغني لقد اشقيتني سما
واتخيل انها تنادي التفت لمي
احسها تقول اعطيني بعض مما
لديك يا اكبر طموحاتي وياهمي
واذا بغيت اتكلم عندها اما
لساني يذوب والا ينربط فمي
نواف الدبل