|
|
تفنن
تفنن في طروق الحب شرقني وغربني
معك يازين دوخات الهوى وياحلو مشواره
وغرد في سما سمعي ابي تحكي وتطربني
سواليفك مطرعمري ربيعي ضحكة ازهاره
حبيبي يابعد كلي وكلك صدق تعجبني
بغيباتك وصداتك وتلويعك وتكراره
تجنن كل ما اشوفك احس انك تعذبني
تضيعني من الدنيا تشب بخافقي ناره
جمالك ناهب قلبي وتفكيري وناهبني
ودلالك يارقيق العود عود تعزف اوتاره
كتبتك نبض ي شعري دخيل الله تكتبني
حبيب في مواعيد الغرام رضاه بزيارة
تولعت بتصانيفك وتعذيبك يولعني
على اية حال راضي بك شمس العمر وانواره
نواف بن فيصل