|
|
الثريا
ليه تطعني وانا ميت بليا
ماكفاك الي حصلي قبل ساعة
كن بين همومي وبينك حميا
جيتكم واحد وجيتوني جماعة
انت منا والمصايب من هنيا
كلكم ضدي ترى ماهي شجاعة
مابشع من جروح طعنات القفيا
غير سكين تصيب بهالبشاعة
لاتتوب ولاتذوب ولاتريا
جرحها جرح وفضاعتها فضاعة
ترتوي من فيض دمي وتفيا
وصار جرحي مثل اخوها في الرضاعة
وانت ليل لو ضويته ما يضيا
ضعت فيه وشفت نفسي في ضياعه
اتهيا وين ماشفته تهيا
وارسي بمرساه وشراعي شراعه
من عرفته والمحيا فالمحيا
مايروح الا وذراعي في ذراعة
ان رضيت ارضيه وان عييت عيا
وان طلبني قلت له سمع وطاعة
ماعشقت من النجوم الا الثريا
وما ملكت من الكنوز الا القناعة
وانت وجيوش الموادع والجفيا
كيف اوقف ضدكم وانتم جماعة
لو بجيكم بالشجاعة والحميا
البلا ان الكثرة تغلب الشجاعة
حامد زيد