|
|
القسوط الحالة
لا ابتدى ليل الطرب والدندنات لحونه
وانشغل كلٍ مع المطرب وعودٍ شالّه
وقامت الجادل تثني عودها بليونة
واستمرت في جراءتها ولاهي ذالّه
قمت افكر في صديقٍ غارق بطعونه
شايل سيف الكفاح وخابر انه سالّه
وماذبح قلب المكافح غير كثر ديونه
والاجار المنتهي غير القسوط الحالّه
لو جمع كل الحلال وما وراه ودونه
والكلام الي شبع من زود ما ينقال لّه
كان لي طروا الوظايف ماتغير لونه
وكان مارجع شريط قد هو مالّه
وقام يتذكر مشاهد شافها بعيونه
ذكرياته بالدراسة والسنين الزالّه
وكيف كان الي بجنبه لازم يمشونه
ويكتبون الحل عنه حتى لو هو حالّه
ظيعوا مستقبله واستبشروا بحزونه
نشفوا له ريقه الي كان توه بالّه
رسبوه ونجحوا غيره وكانوا عونه
زمرة ماتعرف الرحمن زمرة ضالّه
ماقضوا له حاجة في خاطره مكنونة
وقطعوا دربه مع انه كان درب دالّه
فوق هذا ماتغير منهجه وظنونه
كل ما ضاقت عليه يقول خير انشاءالله
فيصل اليامي