|
|
الكرز
الكرز واحد وعشرين حبه
رفرف الغصن وأورق عندليبه
افتحوا للشبابيك المحبة
واصدحوا بالهلاهيل الرطيبة
غافل الشمع في عيده تنبه
راح ياخذ من الظلما نصيبه
طفل من عادته يكسر العبه
وش عليه ان كسر خاطر حبيبه
سنة من سننه المستحبه
يترك قلوب عشاقه عطيبه
ضاع من قال انا ضايع بحبه
والله ان الدلالة ضيعتي به
قبلة الله عليه شلون ربه
خالق امبيسمه يوم ايحكي به
لو مكنته تغافلته بحبه
مير هو شايفٍ بالأمر ريبة
ما احسن الظن في ريحٍ تهبه
يحسن الظن في مثلي مصيبة
المسبه به الطرف المسبه
ماسوى طرفه الساهي يعيبه
عجزت مرايته فيه اتشبه
حاولت فيه ماقدرت تجيبه
بعد هذا وش الي ينكتب به
قبل هذا وش الي ينقري به
منبع النهر والنهر ومصبه
مشرق النور والنور ومغيبه
ان بغى يسلب الرمان لبه
وان بغى صابت النعناع خيبة
وان حلا اللعب والميدان طبه
مالك الا تقول الله حسيبه
والله ان القلوب المستتبة
تصطفق تقل ناهبها نهيبة
ياهل العرف ماقبله يجبه
كيف اجل بالحشى مركي صليبه
الكرز واحد ومليون احبه
من هنا لين سكره وحليبه
فهد عافت