|
|
انساك
انساك كلمة مالها اية وجود بمرجعي
والقلب لامنه نوى غيرك حبيبي بمنعه
تنتابني ذكراك مابين الوعي واللا وعي
ماكنك الا بحر حلمي والمشاعر اشرعة
من وين تطلع كنك الا تقول ياشمس اطلعي
يتنفس الفجر بنفس حسنك ويشرق مطلعه
مع ان فرعك لو رميت الشمس به عيت تعي
بن الدجى يسري لها من دون ماتتوقعة
بن الدجى يكنز عبيرة للنسيم المطلعي
كله عشان النسيم المطلعي يلعب معه
يمتد ليلي واشعلك شمعة غلا بين اضلعي
ويمر بي طيفك ويتناثر بصدري واجمعة
تحتاج تتعبني وانا احتاجلك وانتا معي
بعض المشاعر تتعب المشتاق لاكن ممتعة
موقعك من قلبي تدله بس حدد موقعي
وبعدين خذ قلبي وفي دنيا غرامك ودعه
وان طاب لك شوقك وطاب لصوت همسك مسمعي
القلب ملكك والشوق في عرقك بكيفك وزعه
القلب ملكك والفصول الاربعة من مطمعي
دام التقت في مبسمك كل الفصول الاربعة
حمدان ال مكتوم