|
|
حب كوعك
تبيني ارجع لك واحبك واراضيك
طيب موافق بس قم حب كوعك
وينك من اول يوم قلبي يناديك
الحين ماينفعك تظهر خضوعك
ماتنفعك سامحني الله يخايك
قلبٍ جرحته وش تفيده دموعك
اول صحيح ارجي غرامك وراجيك
واليوم لا والله ماني بطوعك
هقيت بك هقوة وخاب الرجا فيك
وصارت ضلوعي مثل قوة ضلوعك
عود مكانك مايفيدك ترجيك
ولافيه حتى مايبرر رجوعك
ولافيه لا اهلا ولا الله يحييك
ولافيه لاروق ولا هد روعك
وكانك تبيني صدق احبك واراضيك
وافق على شرطي وقم حب كوعك
طلال العبد الله الرشيد