|
|
مكانك
اموت من فرقاك واموت بلقاك
واموت من جورك واموت بحنانك
كلن قضاه يموت مرة ويفداك
وانا قضاي اموت الفين مرة عشانك
اذكرك لامني نسيت اني انساك
وانساك لامني ذكرت نسيانك
رضيت انا بالهم لرضاك مرضاك
وأرخصت لك قلبٍ جرحته وصانك
أجبك في صدري عتاب وأبجفاك
وأرجع والوم الوقت واقول خانك
احب فيك احساس اني بلا ماك
في عز خوفي منك احس بأمانك
عجزت افرق بين وصلك وفرقاك
ياللي عطيت الناس بيدك حنانك
مرة تجيني لين اقول اني اياك
ومرة تروح بعيد وانسى اوانك
اقبل وتقفي واعتذر عن خطاياك
وأقول ماعييت عيّى زمانك
وان خانتك دنياك او خنت دنياك
ارجع وتلقى بي مكانك مكانك
طلال الرشيد