|
|
عزالقصيد
عز القصيد وزاعلتني حروفه
من يوم غاب الي قصيدي مخاويه
غابت به الدنيا وخلت طواريه
عزي لمن مثلي زمانه يعاديه
عقب الملاقي بس بالقلب اشوفه
وعقب المناجي بس بالفكر اناجيه
كلامي وشوفي لغيره حسوفة
من غيره يخاوي غريبي واخاويه
يالوعة المشتاق تصفق كفوفه
لين التفت ماشاف بالدار غالية
كن العيون بكل شين محذوفه
والقلب كن جموع الايام ترميه
تسابقني من زماني سيوفه
تجرح مرادي في حياته وترميه
ياعونة الرحمن وين النكوفة
لين انتحى الخفاق وش عاد يثنيه
مارحت ادور عند خلي نكوفه
مايرحم الا الله فلاشك مغليه
خالد الفيصل