|
|
القلوب
ياطبيب القلوب ان كان تعرف مرضهن
هن يداون جروح الوقت او مايداون
الغريبة جروحي مايدانن بعضهن
بس من طول مدتهن بقلبي تخاون
حسبي الله على الي وسط قلبي فرضهن
لين خلى الليالي في عيوني تساون
كل ما اونستهن قمت اشتكي واعرضهن
مير ذا الوقت في الشدات محدٍ يعاون
شف تردٍ عزومي مير محدٍ نهضهن
كل من رحت يمه قال ماينتداون
ياطبيب القلوب ارجوك شف وش غرضهن
قوم انا وانت تكفى ياطبيب انتعاون
اكثر الناس قالوا كلمتين أحفظهن
مايطيب المرض دام المريض يتهاون
خالد المريخي