لسماع القصيدة

من بعيد

من بعيد لا لمحتي نوض بارق..

والهدب بالدمع غارق..

ناظري

يمكن تشوفيني لحالي..

شاعر يكتب على خد الثريا..

لاحياة ولامماة الا هنيا..

في خفوقه

 طفلة تركض على رؤوس الاصابع..

تستفز الريح والنعناع في خضر المرابع..

لاحكت غار الكلام من الكلام..

وان تهادت ياسلام

يستلف بعض الحلال من الحرام..

من زمان ضاقت الدنيا بعشاق المراكب..

قلت انادي الريح لو الريح كاذب..

انتظرت وهبت النسمة وزفت لي عبيرك..

التفت وكن مافي الكون غيرك..

قمت انادي ياسماي الممطر الضاحك تمهل..

لاتصحي وردة الجوري يطير نعاسها..

خلها تغرق بعطر انفاسها

النحل...لا..لا تغار من النحل

النحل في ثغرها داخ ونسى جمع الرحيق وباسها..

ياهواي..لو رسمتك في ارتعاشة شفة الحاضر

سؤال..ازعلي خليني اكتب بانفعال

سافري خليني اكتب بابتهال

اكتبيني

اصلبيني في جدار الذكريات بخطك المايل وبعده رتبيني

علمي البحار وش معنى البحار

 وضحي للمغترب معنى الديار

 علمي الليمون والتفاح وش معنى صفار في حمار

علميني كيف اطيح وكيف اقوم وكيف اغار

ياخلود علم الشعر الخلود

ارسمي كل الخرايط وامسحي كل الحدود

حبنا ماله حدود

عبد الله اليامي