|
|
قالوا ترى
قالوا ترى مالك امل في قربها لو يوم
ابعد وجنب دربها وهذا هو المقسوم
قلت اتركوني واسكتوا خلوا العتب واللوم
قدني غرقت فبحرها ولا عاد يفيد العوم
قالوا ترى في حبها ويل واسى وهموم
قلت ان قتلني حبها حسبي تقول محروم
قالوا انسى ذكرها منتب بها ملزوم
قلت ابشروا ياعاذلين بنسى لذيذ النوم
قالوا بتلقى غيرها واترك هواها اليوم
قلت العفو ياحاسدين مابدل قمر بنجوم
قالوا لغيرك حبها قلت الجواب مفهوم
دام انها متهنية وشلون اصير محروم
بقضي اليالي انتظر صابر على المقسوم
متعلق بطرف الامل يمكن يجيني النوم
قالوا ترى مالك امل في حبها لو يوم
ابعد وجنب دربها وهذا هو المقسوم
عبد الرحمن بن مساعد